Jezqazǵan aýrýhanasynan shyqqan órttiń sebebi belgili boldy
JEZQAZǴAN. QazAqparat – Qaraǵandy oblysynyń TJD baspasóz qyzmeti 60 jastaǵy naýqas qaza tapqan Jezqazǵannyń ortalyq aýrýhanasyndaǵy órttiń sebebin atady. Saraptama qorytyndysy boıynsha, ot jylytqyshty durys paıdalanbaǵandyqtan tutanǵan, dep habarlaıdy QazAqparat tilshisi.
«Órttiń sebebi - tósek-oryn jabdyqtarynyń, úı zattarynyń, kereýettiń jáne basqa múliktiń turmystyq elektr jylytqyshtyń jylý áserinen onymen tikeleı baılanysta bolǵan kezde nemese ol jetkiliksiz qashyqtyqta ornalasqan kezde tutanýy», - dep habarlady Qaraǵandy oblysy TJD baspasóz qyzmeti.
Esterińizge sala keteıik, 3 qarashada Jezqazǵan ortalyq aýrýhanasyndaǵy palatalardyń birin ot sharpydy.
Órt tórtinshi qabatta paıda boldy. Oqıǵa ornynda 1961 jyly týǵan naýqastyń denesi tabyldy.
