Jezqazǵan — Astana poıyzymen bolǵan oqıǵaǵa baılanysty qylmystyq is qozǵaldy

ASTANA. KAZINFORM — Ulytaý oblysyndaǵy temirjolda bolǵan oqys jaǵdaıǵa baılanysty qylmystyq is qozǵaldy, dep habarlaıdy Kazinform agenttiginiń tilshisi.

— Kóliktegi polıtsııa departamenti Jezqazǵan — Astana baǵytyndaǵy jolaýshylar poıyzy men júk poıyzynyń soqtyǵysýyna baılanysty «Temirjol kóligindegi qozǵalys qaýipsizdigi nemese paıdalaný erejelerin buzý» baby boıynsha qylmystyq is qozǵady. Qazirgi ýaqytta tergeý júrgizilip jatyr. Qaza tapqandar joq, — dep habarlady kóliktegi polıtsııa departamentiniń baspasóz qyzmeti.

Eske sala keteıik, 24 tamyz kúni Qyzyljar — Túıemoınaq aralyǵynda №107 jolaýshylar poıyzy jolda turǵan júk vagonyna baılanysty shuǵyl toqtaýǵa májbúr bolǵan. Oqıǵa saldarynan birneshe jolaýshy jeńil jaraqat alǵan.