Jetisýlyq jas basketbolshylar AQSh-qa joldama aldy

TALDYQORǴAN. KAZINFORM — Jetisý oblysynyń basketboldan jasóspirimder komandasy Almatyda ótken JUMP ashyq týrnıriniń jeńimpazy atanyp, AQSh- qa joldama utyp aldy. Jas sportshylar jazda 2 apta shetelde jattyǵady.

2025 jyldyń 25-26 -shy qańtar aralyǵynda Almaty qalasynda 3×3 basketboldan U-16 sanatyndaǵy jasóspirimder arasynda JUMP ashyq týrnıri ótti. Básekege Qazaqstannyń oblys, qalalarynan 18 komanda qatysty. Eki kúnge sozylǵan týrnırdiń qorytyndysy boıynsha Jetisý oblysynyń komandasy jeńimpaz atanyp, AQSh — da ótetin oqý-jattyǵý lagerine joldama aldy.

— Bul týrnır elimizde 2 jyldan beri ótip keledi. U 16 jas sanatynda bizdiń óńirdiń sportshylary tuńǵysh ret jeńimpaz atanyp, shetelge bara jatyr. AQSh- tyń Pensılvanııa shtatyna barady. Ol jaqta olardy belgili basketbolshy Djerrı Djonson kútip alady, — dedi Jetisý oblysynyń deneshynyqtyrý jáne sport basqarmasynyń baspasóz bóliminiń basshysy Alýa Ospanjan.

AQSh- qa joldama alǵan komanda quramynda Muqash Jasulan, Qurmanǵazy Erzat, Baı̆oraz Radmır, Erkin Mıras sııaqty jas sportshylarmen birge jattyqtyrýshy Anatolıı Vasılevıch te bar.

— Men bul komandanyń jattyqtyrýshysy bolyp 2018 jyldan beri jumys isteımin. Mundaı deńgeıdegi jeńis men úshin, jattyqtyrýshy retinde óte úlken jáne joǵary jetistik. Komandamdy maqtan tutamyn jáne olardyń jattyǵý protsesi óz nátıjesin bergenine qýanyshtymyn. Bul — Tekeli sport mektebiniń jemisi. Jetisý oblysynyń quramynda 2009-2010- shy jyldar aralyǵynda 3 ret Qazaqstan Respýblıkasynyń chempıony atanǵan balalar bastapqydan-aq jeńiske yntyq boldy. Jáne degenderine jetti, — dedi Jetisý oblysy basketbol quramasynyń jattyqtyrýshysy Anatolıı Bormotov.

Eske salaıyq osyǵan deıin 7 jasar Amır Aıdarhanovtyń álem chempıonatynyń altyn júldesin ıelengenin jazǵanbyz.