Jetisýlyq azamat 4 balasyna eki jyl boıy alıment tólemegen
TALDYQORǴAN. KAZINFORM – Jetisý oblysynda prokýrorlardyń aralasýynan keıin boryshker 7 mıllıon teńgeden astam alıment tóledi.
«Azamat „K“ eki jyl boıy tórt balaǵa jalpy somasy 7 mıllıon teńgeden astam alıment tólemeı kelgen.
Biraq Panfılov aýdanynyń prokýratýrasy qarsy tekserý arqyly boryshkerdiń resmı emes túrde jumysqa ornalasqanyn jáne turaqty tabysy bar ekenin anyqtady.
Qadaǵalaý aktisi boıynsha boryshker 5 táýlikke qamaýǵa alý túrindegi ÁQBtK-niń 669-baby boıynsha ákimshilik jaýapkershilikke tartyldy», — dep jazdy prokýratýradan.
Ákimshilik shara qoldanylǵannan keıin boryshker alıment boıynsha bereshegin tolyq ótegen.
Jalpy, prokýrorlyq sharalarmen kámeletke tolmaǵan 63 balaǵa jalpy somasy 47 mıllıon teńge alıment boıynsha bereshek óndirildi.
Prokýratýra alıment tóleýden jaltarǵany úshin 5 AEK mólsherinde aıyppul salýmen nemese 5 táýlikke deıin ákimshilik qamaýǵa alýmen, sondaı-aq 2 jylǵa deıin bas bostandyǵynan aıyrýmen qylmystyq jaýapkershilik qarastyrylǵanyn eske salady.
