Jetisýlyq 250 oqýshy óńirdegi kórnekti oryndarǵa ekskýrsııalyq saparǵa attandy

TALDYQORǴAN. KAZINFORM –  1 – maýsym halyqaralyq balalar kúnine oraı jetisýlyq 250 oqýshy óńirdegi kórnekti oryndarǵa ekskýrsııalyq saparǵa shyqty. Atap aıtqanda, balalar Kerbulaq aýdanynda aǵartýshy ǵalym Shoqan Ýálıhanovtyń «Altynemel» memorıaldy murajaıyn, Úshtóbe qalasynda ashylǵan Qaratal ólketaný murajaıyn, Aqsý aýdanyndaǵy Aqyn Sara murajaıyn tamashalap, tabıǵat keremeti Tamshybulaqpen tanysady. Sondaı-aq Taldyqorǵan qalasyndaǵy Muhametjan Tynyshbaev atyndaǵy tarıhı-ólketaný murajaıyna, Іlııas Jansúgirovtiń ádebı murajaıyna ekskýrsııalar jasaıdy. 

Jalpy, oblysta bıyl jazǵy demalys sharalaryna 102 myńnan astam bala qatysady. Olar mektep janyndaǵy jáne qala syrtyndaǵy lagerlerde demalyp, túrli tanymdyq, ıntellektýaldyq, saýyqtyrý baǵdarlamalaryna tartylmaq. 

Budan bólek, qala ákimi Ernat Bázil taldy qalanyń baldyrǵandaryn tól merekelerimen quttyqtady. Merekege oraı, «Atameken» kórme kesheninde balalar arasynda shahmattan jarys ótti. Oǵan ár mektepten 200-den asa bala qatysty. Sondaı-aq ústel tennısi, toǵyzqumalaq jáne qol kúresten tartysqa toly saıys uıymdastyrylyp, jarysqa qatysqan barlyq balaǵa tátti balmuzdaq taratyldy. 

Budan buryn biz Prezıdenttiń balalar quqyǵynyń qorǵalýyn qamtamasyz etý jáne turmys sapasyn jaqsartý tapsyrmasy qalaı oryndalyp jatqany jaıly jazyp edik.