Jetisýdaǵy óz áıelin óltirý isi sotqa jiberildi

ASTANA.KAZINFORM - Aqsý aýdanynyń Balasaz aýylynda áıeldiń qatygezdikpen óltirilýine qatysty qylmystyq is Jetisý oblysynyń mamandandyrylǵan aýdanaralyq qylmystyq sotyna joldandy. Іs QR QK 99-babynyń 1-bóligi («Kisi óltirý») boıynsha qozǵaldy, dep habarlaıdy Kazinform.

Buǵan deıin habarlaǵanymyzdaı, qaıǵyly oqıǵa maýsymnyń 21-inen 22-sine qaraǵan túni bolǵan.

Tergeýshilerdiń aıtýynsha, erli-zaıyptylar arasynda janjal týyndap, nátıjesinde er adam áıelin aıaýsyz soqqyǵa jyqqan. Aızat Maratqyzy alǵan jaraqattarynan qaıtys boldy.

Zardap shegýshiniń týystary máıit sot-medıtsınalyq saraptamasyz alynǵanyn aıtyp, jan-jaqty jáne obektıvti tergeýdi talap etti.

Jetisý oblysyndaǵy áıeldiń ólimine qatysty is erekshe baqylaýǵa alyndy.