Jetisýdaǵy óz áıelin aıýandyqpen óltirý áreketi boıynsha tergeý aıaqtaldy

ASTANA.KAZINFORM - Jetisý oblysynda jergilikti turǵynnyń ólimine qatysty sotqa deıingi tergeý aıaqtaldy, dep habarlaıdy oblystyq polıtsııa departamenti.

Qylmystyq is materıaldary aıyptaý aktisimen birge prokýratýraǵa jiberildi. Kúdikti sot protsesi aıaqtalǵanǵa deıin sotqa deıingi tergeý ızolıatorynda boldy.

Tergeý Jetisý oblystyq polıtsııa departamenti basshylyǵynyń erekshe baqylaýynda bolǵany atalyp ótti.

Buǵan deıin qaıǵyly oqıǵa 21-inshi maýsymnan 22-inshi maýsymǵa qaraǵan túni Aqsý aýdanyndaǵy Balasaz aýylynda bolǵany habarlanǵan.

Tergeýshilerdiń aıtýynsha, erli-zaıyptylar arasynda janjal týyndap, er adam áıelin qatygezdikpen uryp-soqqan. Aızat Maratqyzy alǵan jaraqatynan qaıtys bolǵan.

Týystary máıitti sot-medıtsınalyq saraptamasyz alyp ketkenin aıtyp, muqııat tergeýdi talap etken.

Jetisý oblystyq polıtsııa departamentiniń baspasóz qyzmeti qylmystyq is qozǵalǵanyn habarlaǵan. Kúdikti ustalyp, ýaqytsha ustaý ızolıatoryna qamaldy.

Osyǵan deıin jeti jastaǵy qyzdy zorlap, óltirgen qylmysker ómir boıyna bas bostandyǵynan aıyrylǵany týraly jazdyq.