Jetisýdaǵy órtti sóndirýge tikushaqpen 11,4 tonna sý tógildi
ASTANA. KAZINFORM — Jetisý oblysy Sarqan aýdany Borlytóbe orman sharýashylyǵynyń Quraqsý ormanshylyǵy aýmaǵynda qurǵaq shóp pen qamys órtendi. Qazir órt tolyǵymen sóndirildi..
Tótenshe jaǵdaılar mınıstrliginiń baspasóz qyzmetiniń málimetinshe, órtti sóndirýge TJM men orman sharýashylyǵynyń shamamen 40 qyzmetkeri jáne 10 tehnıkasy jumyldyryldy.
— «Qazavıaormanqorǵaý» jelisi boıynsha «Qazavıaqutqarý» AQ tikushaǵymen jalpy kólemi 11,4 tonna sý 19 ret tógildi. Órt tolyǵymen sóndirildi, — delingen vedomstvo habarlamasynda.
Buǵan deıin Almatyda ǵımarattaǵy órt saldarynan shatyr opyrylyp, tórt adam aýrýhanaǵa túskenin jazdyq.
