Jetisýdaǵy Qaratal ózeniniń arnasynan qum-qıyrshyq tas zańsyz óndirilgen
ASTANA. KAZINFORM — Jetisý oblysynda Qaratal ózeniniń arnasynan qum-qıyrshyq tas qospasyn zańsyz óndirý faktisi anyqtaldy, dep habarlaıdy oblystyq polıtsııa departamentiniń baspasóz qyzmeti.
Jetisý oblysy Tabıǵatty qorǵaý polıtsııasy men Eskeldi aýdandyq polıtsııa bóliminiń qyzmetkerleri júrgizgen reıd barysynda tabıǵı materıaldy zańsyz óndirip, tıeý faktisin anyqtaǵan.
— Oqıǵa ornynda qum-qıyrshyq tas óndirýge paıdalanylǵan arnaıy tehnıka, onyń ishinde traktor-tıegish ustaldy. Jınalǵan materıaldar zańnamaǵa sáıkes sheshim qabyldaý úshin ýákiletti organdarǵa joldanady, — deıdi tártip saqshylary.
Polıtsııa zańsyz tabıǵat paıdalanýdyń qorshaǵan ortaǵa zııan keltiretinin jáne jaýapkershilikke ákep soǵatynyn eskertti.
Buǵan deıin keń taralǵan paıdaly qazbalardy zańsyz óndirýdi kim baqylaıtyny naqtylandy.
