Jetisýdaǵy aýrýhana prokýratýranyń aralasýymen bızneske 117,6 mıllıon teńge qaıtardy
ASTANA. KAZINFORM - Jetisý oblysy Aqsý aýdanynyń prokýratýrasy memlekettik satyp alý jáne jer zańnamasy salalarynda júrgizilgen taldaýlardyń nátıjesinde kásipkerler men ınvestordyń quqyǵy óreskel buzylǵanyn anyqtady.
Aqsý aýdanynyń ortalyq aýdandyq aýrýhanasy tarapynan jetkizýshilerdiń sharttyq mindettemelerdi tolyq oryndaýyna qaramastan, 57 kásipkerge sharttardy oryndaýdy qamtamasyz etýdiń 3% jalpy somasy 117,6 mln teńge qaıtarylmaǵany anyqtaldy.
Budan bólek, jer zańnamasynyń saqtalýyna qadaǵalaý júrgizý barysynda ınvestordyń quqyǵy buzylǵany anyqtaldy. Atap aıtqanda, Aqsý aýdanynda «Ekpindi» JShS-niń ınvestıtsııalyq jobasyn iske asyrý kezinde jaldaý shartymen kózdelgen 100 gektar jaıylymdyq jer berilmegen.
Anyqtalǵan barlyq fakti boıynsha prokýrorlyq den qoıý sharalary qabyldanyp, kásipkerler men ınvestordyń quqyqtary qalpyna keltirildi, kináli laýazymdy tulǵalar jaýapkershilikke tartyldy.
Memleket basshysynyń tapsyrmasyna sáıkes kásipkerler men ınvestorlardyń quqyqtaryn qorǵaý prokýratýra organdary qyzmetiniń basym baǵyttarynyń biri bolyp qala beredi.
Aıta keteıik, 1999 jyly satylyp ketken Ulttyq ulanǵa tıesili jer memleket menshigine qaıtaryldy.