Jetisýda jol kameralary jarty jylda 317 mln 533 myń teńge aıyppul tirkegen
TALDYQORǴAN. KAZINFORM - 2023 jyldyń 6 aqpanynan bastap Taldyqorǵan qalasynyń joldaryna 10 kameraly baǵan ornatylǵan. «VIDAR SPEED-R» sertıfıkattalǵan tehnıkalyq quraldary vıdeony avtomatty rejımde jazady.
«Jol kameraly aqpannan maýsymǵa deıin aıyppuldyyń jalpy somasy 317 mln. 533 myń teńge bolatyn 11 270 jol erejesin buzý faktisin tirkegen. «Polıtsııa qyzmetiniń modeli» aıasynda 2023 jyldyń tamyz aıynda Jetisý oblystyq máslıhaty tarapynan 15 avtomattyq júıe postyn satyp alýǵa jáne ornatýǵa qarajat bólindi», - deıdi oblystyq PD ÁBP Ákimshilik praktıka bóliminiń bastyǵy Saıat Ibraımov.
Aıta ketý kerek, 2024 jyldyń 2 aqpanynan bastap «VIDAR SPEED-R» tehnıkalyq jabdyǵy «KazDorInnovation» JShS sertıfıkattarynyń qoldanylý merzimi aıaqtalýyna baılanysty alynyp tastaldy.
Qazirgi ýaqytta avtomatty bekitý júıesiniń 15 baǵanyn satyp alýǵa jáne ornatýǵa konkýrs jarııalaý úshin ótinim berilgen. Materıaldar QR Qarjy mınıstrliginiń komıtetine bekitýge jiberildi. Memlekettik satyp alýlar ótkizilgennen keıin joldyń apatty ýchaskelerinde jyldamdyqty shekteýdiń sertıfıkattalǵan tehnıkalyq quraldary qaıta ornatylyp, qalypty rejımde jumys isteıdi.
