Jetisýda jol apatynan 4 adam qaıtys boldy
TALDYQORǴAN. KAZINFORM - Almaty-Óskemen tas jolynyń 271-shaqyrymynda jol kólik oqısy boldy. 4 adam kóz jumdy.
Jetisý oblysy polıtsııa departamentiniń málimetinshe, Aýdı avtokóliginiń júrgizýshisi rólge ıe bola almaı, joldyń ortasynda turǵan aǵashqa soǵylǵan. Apat saldarynan júrgizýshi men 3 jolaýshy oqıǵa ornynda qaza tapty, taǵy bir jolaýshy túrli jaraqattarmen aýrýhanaǵa jetkizildi.
- Atalǵan fakti boıynsha qylmystyq is tirkelip, tergeý júrgizilýde. Polıtsııa júrgizýshilerdi jol qozǵalysy erejelerin qatań saqtaýǵa, jyldamdyq rejımin buzbaýǵa jáne jolda asa muqııat bolýǵa shaqyrady, - delingen Jetisý oblysy polıtsııa departamentiniń baspasóz qyzmeti taratqan habarlamada.
Eske salaıyq osyǵan deıin Jetisý oblysynda jol boıyndaǵy temir qorshaýǵa soǵylyp kólik júrgizýshisiniń mert bolǵanyn jáne Aqmolada polıtseıler ınsýlt alǵan júrgizýshini qutqaryp qalǵanyn jazǵanbyz.