Jetisýda joǵalǵan balyqshylar tabyldy

TALDYQORǴAN. KAZINFORM — Jetisý oblysy Aqjar aýylynan 3 shaqyrym qashyqtyqta joǵalǵan balyqshylardy izdestirý jumystary uıymdastyryldy, dep habarlaıdy TJM baspasóz qyzmeti.

Naqtylanǵan málimetter boıynsha 1988 jyly týǵan er adam 22 qarasha kúni dostarymen birge Almaty qalasynan balyq aýlaýǵa shyǵyp, baılanysqa shyqpaǵan. Er adamnyń habar-osharsyz qalǵandyǵy jóninde týystary habarlaǵan.

— Qutqarýshylar keń aýmaqty, onyń ishinde jetý qıyn jerlerdi tekserdi. Іzdestirý sharalary barysynda TJM kúshteri Aqjar aýylynan 150 shaqyrym jerde er adamdardy tapty. Olardyń avtokóligi qumǵa batyp qalǵan jáne olar ózderi shyǵa almaǵan, — delingen aqparatta. 

Tótenshe jaǵdaılar departamentiniń qyzmetkerleri turyp qalǵan kólikti joldyń tazartylǵan bóligine súırep shyǵardy.

Osyǵan deıin qutqarýshylar Almaty taýlarynda adasqan eki jasóspirimdi tómenge túsirgendigi týraly jazdyq.