Jetisýda JI arqyly jalǵan chek jasaǵan kámeletke tolmaǵandar toby áshkerelendi
ASTANA. KAZINFORM - Jetisý oblysynda úsh kámeletke tolmaǵan azamattyń jalǵan banktik chekterdi jasaý úshin jasandy ıntellekt (JI) quraldaryn paıdalanyp, satýshylardy jańylystyrý arqyly taýarlardy birneshe ret jymqyrǵany anyqtaldy.
Jetisý oblysy prokýratýrasy baspasóz qyzmetiniń habarlaýynsha, quqyqqa qarsy áreket naqty aqsha qarajatynyń túsýi men satyp alýshylar usynǵan elektrondyq chekter arasyndaǵy sáıkessizdikti baıqaǵan kásipkerlerdiń ótinishterinen keıin jedel anyqtaldy.
Atalǵan derek boıynsha aldyn ala sóz baılasý arqyly birneshe ret jasalǵan alaıaqtyq belgileri boıynsha sotqa deıingi tergep-tekserý bastaldy.
- Jetisý oblysynyń prokýratýrasy kásipkerler men barlyq azamattardy prokýratýrasy saqtyqty kúsheıtýge shaqyrady, sondaı-aq tólemderdi tek bankterdiń resmı mobıldi qosymshalary jáne tranzaktsııalardy rastaý servısteri arqyly tekserýdi usynady, - delingen habarlamada.
Osyǵan deıin azamattardyń jasandy ıntellektiniń bolashaǵyna degen kózqarasy týraly jazǵan edik.