Jetisýda jaıylym tapshy: 25 mln teńgelik jer ýchaskesi memleketke qaıtaryldy
ASTANA. KAZINFORM — Jetisý oblysynyń prokýratýrasy jyldar boıy maqsatsyz ıelenýde bolǵan aýyl sharýashylyǵy alqaptaryn memleket menshigine qaıtaryp, memleket múddesin qorǵaýdy qamtamasyz etti.
Eskeldi aýdanynyń prokýratýrasy júrgizgen taldaý barysynda ýákiletti organdar jaldaý merzimi ótken jerlerdi qaıtarý sharalaryn júrgizbegeni jáne bıýdjetke tólenetin mindetti tólemderdi óndirý máselesine tıisti kóńil bólmegeni anyqtaldy. Sonyń saldarynan qundy resýrstar ekonomıkalyq aınalymnan tys qalǵan.
— Jaǵdaıdy túzetý maqsatynda engizilgen prokýrorlyq yqpal etýaktilerin qaraý nátıjesinde paıdalanylmaı jatqan jalpy aýdany 1000 gektar jer ýchaskeleri memleketke qaıtaryldy. Qaıtarylǵan aktıvterdińbaǵalaý quny 25 mln teńgeni qurady, — delingen prokýratýranyń habarlamasynda.
Bul jerler endi óńirdiń muqtajyna, sonyń ishinde jergilikti halyq úshin jaıylym tapshylyǵy máselesin sheshýge baǵyttalatyn bolady.
Jetisý oblysynyń prokýratýrasy zańdylyq pen jer resýrstaryn utymdy paıdalaný qaǵıdatyn qamtamasyz ete otyryp, jer qoryn túgendeý baǵytyndaǵy jumysty jalǵastyrady.
Aıta keteıik, Aqtóbe oblysy Qazaqstanda jaıylymdyq jer kólemi boıynsha birinshi orynda.
