Quryltaı saılaýy: elorda turǵyndary ózderiniń saılaý ýchaskesin onlaın bile alady
ASTANA. KAZINFORM — Qazaqstan Respýblıkasy Quryltaıy depýtattarynyń saılaýy 23 tamyz kúni ótedi. Elorda turǵyndary ózderiniń saılaý ýchaskesin onlaın bile alady, dep habarlaıdy qala ákimdiginiń resmı saıty.
Saılaý ýchaskesi týraly málimetti naqty ýaqyt rejıminde kelesi tásilder arqyly bilýge bolady:
• Resmı veb-servıs arqyly: https://sailau.astana.kz/
• Telegram chat-boty arqyly: https://t.me/sailau_astana_bot
• iKomek biryńǵaı baılanys ortalyǵynyń 109 nómiri arqyly.
— Azamatty belgili bir saılaý ýchaskesi boıynsha saılaýshylar tizimine engizýdiń negizi onyń sol saılaý ýchaskesiniń aýmaǵyndaǵy turǵylyqty jeri boıynsha tirkelýi bolyp sanalady, — delingen habarlamada.
Buǵan deıin Quryltaı saılaýy aldynda jalǵan akkaýnttar men feık aqparat kóbeıgeni belgili boldy.
Degenmen, saýalnama nátıjesine sáıkes azamattardyń 70,3%-y Quryltaı saılaýynda daýys berýge nıetti.
