Jetisýda úlesker qarjysyn zańsyz tartqan qurylysshylar jaýapqa tartyldy
TALDYQORǴAN. KAZINFORM – Taldyqorǵan qalasynda qurylys kompanııalary úleskerlerdi zańsyz tartqany úshin jaýaptylyqqa tartyldy.
Taldyqorǵan qalasynyń prokýratýrasy «Turǵyn úı qurylysyna úlestik qatysý týraly» zań talaptarynyń saqtalýyna taldaý júrgizdi.
Taldaý barysynda tıisti ruqsat almaı, jeke jáne zańdy tulǵalardyń aqshalaı qarajatyn zańsyz tartý faktileri anyqtaldy, bul azamattardyń múliktik múddelerine qaýip tóndiredi.
Prokýrorlyq qadaǵalaý aktisi boıynsha kináli qurylys salýshylar ákimshilik jaýapkershilikke tartylyp, salynǵan aıyppul somasy 3,2 mln teńge boldy. Bul sharalar zańdylyqty qalpyna keltirýge jáne halyqtyń turǵyn úı naryǵyna degen senimin nyǵaıtýǵa baǵyttalǵan.
Jetisý oblysynyń prokýratýrasy azamattardy saq bolýǵa shaqyrady: qarajatty tek zańnamanyń belgilengen talaptaryna sáıkes keletin nysandarǵa ǵana salý qajet.
Aıta ketelik Aqtóbede úleskerlerdiń quqyqtaryn buzǵan qurylysshylar jaýapqa tartylǵan edi.
