Jetisýda turǵyndardyń shottaryna kıbershabýyl jasaýy múmkin kúdikti ustaldy
TALDYQORǴAN. KAZINFORM – Jedel-tergeý sharalarynyń nátıjesinde ınternet-alaıaqtyqtan zardap shekken azamattardyń shottaryndaǵy qarjyny qolma-qol aqshaǵa aınaldyrý alaıaqtyq shemalaryn uıymdastyrýshy ustaldy, dep habarlaıdy QR ІІM baspasóz qyzmetine silteme jasap.
Jetisý oblysynyń polıtseıleri Qazaqstan aýmaǵynda birqatar alaıaqtyqqa qatysy bar 23 jastaǵy Almaty qalasynyń turǵynyn ustady. Tintý barysynda kúdiktiden iPhone 16 Pro telefony, BMW X7 avtokóligi jáne sheteldik baılanys operatorlaryna tıesili tórt SIM-karta tárkilendi.
Tergeý málimetinshe, kúdikti OLX platformasynda jalǵan habarlandyrýlar ornalastyryp, azamattarǵa bank arqyly taýar satyp alý úshin aqshany bólip tóleý tásilin usynǵan. Alaıaqtyq jolmen senimge kirip, keıin dropperler men droptardy tartyp, zańsyz jolmen alynǵan qarajatty qolma-qol aqshaǵa aınaldyryp otyrǵan.
Qazir bul ispen Jetisý oblysy polıtsııa departamentiniń tájirıbeli mamandary aınalysyp jatyr. Oblys aýmaǵynda tórt jábirlenýshi anyqtalǵan, biraq tergeý jumystary jalǵasyp jatyr, aldanǵandar sany elimizdiń basqa óńirlerinde de bolýy múmkin.
Jetisý oblysynda ınternet-alaıaqtyqpen aınalysqan uıymdasqan qylmystyq top ustaldy.