Jetisý oblysynda temirjol boıyndaǵy quqyq buzýshylyqtar artyp barady
TALDYQORǴAN. KAZINFORM – Jetisý oblysynda jyl basynan beri temirjol kóligi nysandarynda 800-den astam ákimshilik quqyq buzýshylyq tirkeldi. Negizinen belgilenbegen jerden temirjoldy kesip ótý derekteri anyqtalǵan, dep habarlaıdy Kazinform tilshisi.
Málimetke kóz júgirtsek, osy ýaqytqa deıin 111 adam jaýapkershilikke tartylyp, olarǵa aıyppul salynǵan. Ótken jyldyń osy kezeńimen salystyrǵanda bul kórsetkish aıtarlyqtaı ósken.
Óńirde tótenshe jaǵdaılardyń aldyn alý jumystary kúsheıtildi. Quqyq buzýshylyqtardyń aldyn alý sharalarynyń biri retinde Qaratal aýdanyndaǵy Úshtóbe qalasynda «Ózińdi saqta» aktsııasy ótti. Onda polıtseıler turǵyndarmen jáne mektep oqýshylarymen túsindirý jumystaryn júrgizip, temirjoldaǵy qaýipsizdik erejelerin eske saldy.
Sonymen qatar tártip saqshylary mal ıelerine de arnaıy úndeý jasap otyr.
Úshtóbe stantsııasyndaǵy ІІM Kóliktegi polıtsııa departamenti transporttaǵy polıtsııa bóliminiń bastyǵynyń orynbasary Mıras Nurasyldyń aıtýynsha, halyq arasynda júrgiziletin profılaktıkalyq jumysqa erekshe nazar aýdarylady.
– Biz turǵyndarmen, sonyń ishinde mal ıelerimen túsindirý áńgimelerin ótkizemiz. Túngi ýaqytta maldy erkin jaıylymǵa jibermeýdi jáne olardy baqylaýda ustaýdy suraımyz. Bul qaýipti jáne aýyr saldarǵa ákelýi múmkin, – dedi ol.
Polıtsııa ókilderi temirjoldaǵy qaýipsizdik erejelerin saqtaý ár azamattyń mindeti ekenin de eske saldy.
Aıta keteıik, buǵan deıin Almaty oblysynda temir jol boıynda adam máıiti tabylǵany habarlanǵan edi.
