Jetisýda taǵy 5 aýylǵa gaz berildi: 302 úı tabıǵı gazǵa qosylady
ASTANA. KAZINFORM — Jetisý oblysynyń Panfılov aýdanyndaǵy bes aýylǵa 52,8 shaqyrym gaz qubyry tartylyp, tabıǵı gazdy iske qosý rásimi ótti. Nátıjesinde 302 úıdi gazben qamtýǵa múmkindik týdy. Bul týraly Energetıka mınıstrligi málim etti.
Panfılov aýdanyndaǵy Jıdeli, Aqaral, Qyzyljıde, Kerimaǵash jáne Sarpyldaq aýyldaryn gazdandyrý jumystary aıaqtalyp, tabıǵı gazdy bastapqy qosý rásimi júzege asyryldy. Nátıjesinde 302 úıdi gazben jabdyqtaýǵa múmkindik jasaldy.
Jańa tutynýshylardy gazben qamtamasyz etý úshin 52,8 shaqyrym gaz qubyry tartylyp, bir gaz retteý pýnkti jáne bes shkaftyq gaz retteý pýnkti ornatyldy. Gazben jabdyqtaý kózi retinde Panfılov aýdanynda ornalasqan «Jarkent» avtomattandyrylǵan gaz taratý stantsııasy paıdalanyldy. Onyń qýaty qosylǵan úılerdi senimdi gazben qamtamasyz etýge múmkindik beredi.
Jıdeli, Aqaral, Qyzyljıde, Kerimaǵash jáne Sarpyldaq aýyldaryn gazdandyrý Jetisý oblysynyń gaz ınfraqurylymyn keńeıtý jumystarynyń bir bóligi bolyp tabylady. Jalpy, jyl basynan beri Jetisý oblysynda Kerbulaq aýdanynyń toǵyz eldi mekeni gazdandyryldy.
Memleket basshysynyń eldi gazdandyrý deńgeıin 80 paıyzǵa deıin jetkizý jónindegi tapsyrmasy aıasynda «QazaqGaz Aimaq» AQ Energetıka mınıstrligimen, «QazaqGaz» UK» AQ-men jáne óńirlerdiń ákimdikterimen birlesip, gaz taratý ınfraqurylymyn damytý boıynsha júıeli jumysty jalǵastyryp jatyr.
Jyl basynda halyqty tabıǵı gazben qamtý deńgeıi 64,2 paıyzdy quraǵan edi. Birneshe aı buryn Qasym-Jomart Toqaev Úkimetke atalǵan kórsetkishti 80 paıyzǵa jetkizý mindetin qoıdy. Memleket basshysynyń tapsyrmasyn oryndaý úshin salaǵa qandaı reforma qajet? Kazinform agenttiginiń analıtıkalyq sholý maqalasynan oqyńyz.
