Jetisýda sharýalar qant qyzylshasy úshin qansha sýbsıdııa aldy

TALDYQORǴAN. KAZINFORM - Jetisýlyq sharýalarǵa  qant qyzylshasynyń sýbsıdııasy tolyq tólendi. Bul týraly oblys ákiminiń baspasóz qyzmeti  málimdedi. 

Жетісуда шаруалар қант қызылшасы үшін қанша субсидия алды
Фото: ptrk.kz

Óńirdegi Aqsý jáne Kóksý qant zaýyttaryna ótkizilgen 560 myń tonna qant qyzylshasyna memleketten 14 mlrd teńge sýbsıdııa tolyq kólemde tólendi. Oblystyq aýyl sharýashylyǵy basqarmasynyń málimetinshe qant qyzylshasy boıynsha sýbsıdııalaýǵa 679 ótinim túsken. Sondaı- aq Aqsý jáne Kóksý qant zaýyttary qabyldaǵan qant qyzylshasy úshin sharýa qojalyqtaryna 8,4 mlrd teńge tóledi.

- Búgingi kúni eki zaýyt ta sharýashylyqtarymyzben tıesili esep aıyrysyp boldy. Qazirgi kezde basym daqyldarǵa beriletin sýbsıdııany aldyq, sonyń arqasynda kóktemgi dala jumystaryna daıyndyǵymyz qyzý júrip jatyr. Jalpy kóktemgi egiske qajetti tehnıkalardy jóndeý jumystaryn osydan bir aı buryn bastaǵanbyz. Qazir egistik alqaptarǵa kerekti tuqymǵa tapsyrys berip qoıdyq. Biz jyl saıyn qant qyzylshasyn kem degende 100 gektar jerge sebemiz. Bıyl da qant qyzylshasyn, júgeri, maıburshaq sııaqty birqatar daqyl egýdi josparlap otyrmyz. Kóktemgi dala jumystaryna jeńildetilgen baǵamen beriletin janar-jaǵarmaı alatyn qarjymyz da daıyn, - deıdi Kóksý aýdanyndaǵy «Keń dala» sharýa qojalyǵynyń basshysy Qalıbek Alpysbaev.

Aıta keteıik Jetisý oblysynda qant qyzylshasynyń egis alqaptary 13,7 myń gektar boldy. Odan jalpy 635 myń tonna ónim alyndy, ortasha ónimdiligi gektaryna 465 tsentnerden aınaldy. Alynǵan ónimniń 5 myń tonnasy mal azyǵyna baǵyttalsa, 630 myń tonnasy zaýyttarǵa ótkizildi, onyń 560 myń tonnasy taza salmaq.

Eske salaıyq osyǵan deıin Kóksý qant zaýytyna kezektiń 1 shaqyrymnan asyp ketkenin jáne Jetisýlyq sharýalardyń aıazda qant qyzylshasyna kezekte turýǵa májbúr bolǵanyn jazǵanbyz.

Сейчас читают