Jetisýda sebilgen júgeriniń shamamen 74% Panfılov aýdanyna tıesili
TALDYQORǴAN. KAZINFORM - Jetisý oblysynyń Panfılov aýdany júgeri daqylynyń ólkesi, oblystaǵy júgeriniń shamamen 74% osy aımaqqa tıesili, munda 2 myńnan astam fermer júgeri ósirýmen aınalysady.
Osy oraıda keıbir sharýa qojalyqtary ylǵal saqtaý tehnologııasyn qoldaný men agrotehnologııany saqtaý nátıjesinde ár gektardan 150 tsentnerden ónim alýda. Bul týraly aýdan turǵyndarymen kezdesýi kezinde júgeri sharýashylyǵyn damytý máselesine toqtalǵan oblys ákimi Beıbit Isabaev aıtty, - dep habarlaıdy Jetisý oblysy ákiminiń baspasóz qyzmeti.
- Júgeri daqylynyń tóńiregindegi ótken jylǵy kezdesýde ózderińiz kótergen eki másele sheshimin tapty. Atap aıtsam, Almaly aýylyndaǵy qyrman bıýdjet qarjysyna jóndelip, qoldanysqa berildi. Ekinshi, alynǵan ónimdi tereń óńdeýge ótkizetin sharýashylyqtarǵa tonnasyna tólenetin sýbsıdııanyń kólemi 6 myń teńgeden jergilikti bıýdjet esebinen 10 myń teńgege deıin ulǵaıtyldy, - dedi Beıbit Isabaev.
Belgili bolǵandaı, bıyl aýdanda 170 myń tonna júgeri jınaý josparlanǵan. «Jarkent krahmal-sirne» zaýyty byltyr 80 myń tonna júgeri qabyldasa, bıyl 100 myń tonna qabyldaýdy mejelep otyr. Búgingi kúnge zaýyt 40 myń tonna qabyldaǵan. Jalpy oblystaǵy ósirilgen júgerini 4 kásiporyn - «Jarkent krahmal-sirne» zaýyty, «AzııaAgroFýd» zaýyty, «Ýyz Maı Indastrı» jáne «Astyq Halyq Ekspo» seriktestikteri qabyldaıdy.
Qazirgi ýaqytta Panfılov aýdanynda sebilgen 23,4 gektar júgeriniń 62%, ıaǵnı 14,6 myń gektary jınalyp, 101 myń tonna ónim alyndy. Mundaǵy gektar ónimdiligi basqa óńirlerge qaraǵanda edáýir joǵary, aýdanda bul kórsetkish 72 tsentnerdi qurap otyr.
