16:27, 25 Qazan 2023 | GMT +6
Jetisýda Respýblıka kúnine oraı Memlekettik Tý kóterildi
Respýblıka kúnine oraı Taldyqorǵandaǵy «Jastar» parkinde Memlekettik Tý kóterý saltanaty ótti. Osy parkte 92 metrlik tý tuǵyrynda Memlekettik Tý ornatylǵan. Saltanatty sharany mýzykalyq jaǵynan áskerı orkestr súıemeldedi, dep habarlaıdy Kazinform Jetisý oblysy ákiminiń baspasóz qyzmetine silteme jasap.
Tý kóterý saltanatyna oblys ákimi Beıbit Isabaev, máslıhat depýtattary, quqyq qorǵaý organdarynyń basshylary, qoǵam qaıratkerleri, áskerı qyzmetshiler, úkimettik emes uıymdardyń, buqaralyq aqparat quraldarynyń ókilderi, jastar, qala turǵyndary qatysty.
Shara barysynda Memlekettik Gımn shyrqalyp, Memlekettik Tý kóterildi.
Resmı bóliginen soń ártister men shyǵarmashylyq ujymdar patrıottyq ánder shyrqady.
