Jetisýda iri alaıaqtyq qylmys áshkerelendi

ASTANA. KAZINFORM — Panfılov aýdanyna qarasty Atameken aýylynda avtokólikterdi zańsyz ıemdenýge baılanysty iri alaıaqtyq deregi anyqtaldy. 

33 jáne 34 jastaǵy eki er adam aldaý jáne senimdi teris paıdalaný arqyly 13 avtokólikti ıemdenip, jalpy somasy 314 mıllıon teńgeden astam materıaldyq shyǵyn keltirgen. 

Alaıaqtardyń alǵashqy qurbany — Qytaı azamaty bolǵan. Olar bul azamatqa avtokólikterin Grýzııaǵa jetkizip beremiz dep ýáde berip, alty kóligin alyp ketken: Jetour (úsh avtokólik), Mercedes C260, Mercedes C260L jáne Mercedes GLC 260L.

Keıin bul kólikter Shymkent pen Jambyl oblysyna jetkizilip, tanystaryna satylǵan. Alaıaqtar munymen toqtamaǵan. Kelesi qurban — kólik tasymalymen aınalysatyn jeke kásipker bolǵan.

Belarýs Respýblıkasyna kólik jetkizý úshin avtokólik tasymaldaıtyn kóligi bar júrgizýshi izdegen kásipker alaıaqtarmen tanysqan. Bul joly olar jeti kólikti ıemdengen: Range Rover, Mini Cooper SE, Li 7 (úsh avtokólik) jáne eki Li 9 (2 avtokólik).

Qytaılyq bes kólik Jambyl oblysyna jetkizilip, alaıaqtardyń ortaq tanysyna satylsa, qalǵan Range Rover men Mini Cooper SE Almatyda arzan baǵamen ótkizilgen.

Qazirgi tańda alaıaqtyq faktisi boıynsha qylmystyq is sotqa joldandy. Kúdiktiler qamaýǵa alyndy. 

Aıta ketelik BQO-da 35 mln teńge jymqyrǵan aýrýhana býhgalteri 7 jylǵa sottalǵan edi.