Jetisýda pedofıl áke ómir boıyna bas bostandyǵynan aıyryldy

ASTANA. KAZINFORM — Jetisý oblystyq qylmystyq ister jónindegi mamandandyrylǵan aýdanaralyq sotynda «kámeletke tolmaǵan qyzyna qatysty zorlyq-zombylyq sıpattaǵy áreketter jasady» dep aıyptalǵan er adamǵa qatysty qylmystyq is qaraldy.

Kámeletke tolmaǵan jábirlenýshiniń múddesi eskerilip, sot protsesti jabyq ótkizdi.

Sottalýshynyń kinási jábirlenýshi men onyń zańdy ókiliniń aıǵaqtary, tergeý materıaldary, saraptamalyq qorytyndylar men sot-medıtsınalyq saraptama nátıjelerin qamtıtyn dáleldemelerdiń jıyntyǵymen rastalady.

Sot otyrysynda prokýror aıyptalýshyny ómir boıyna bas bostandyǵynan aıyrýdy surady. Jábirlenýshiniń zańdy ókili bul ustanymdy qoldady. Alaıda sottalýshy óz kinásin moıyndamady, al qorǵaýshysy aqtaý úkimin talap etti.

Sot Qylmystyq kodekstiń 121-babynyń 4-bóligi boıynsha ómir boıyna bas bostandyǵynan aıyrý túrindegi jazany qarastyrady.

Sot aıyptalýshyny kináli dep tanyp, ony ómir boıyna bas bostandyǵynan aıyrý jazasyn tótenshe jaǵdaılar júıesiniń túzeý mekemesinde óteý týraly úkim shyǵardy.

Úkim zańdy kúshine engen joq.

Osydan bir aı buryn Jambyl oblysynda da pedofıl áke ómir boıyna bas bostandyǵynan aıyrylǵan bolatyn.