Jetisýda 200 gektar qunarly jer memleket menshigine qaıtaryldy
ASTANA. KAZINFORM — Jetisý oblysynda paıdalanylmaı jatqan 200 gektar aýyl sharýashylyǵy jeri memleket menshigine qaıtaryldy.
Kóksý aýdanynda uzaq ýaqyt ıgerilmeı jatqan jer ýchaskeleriniń kadastrlyq quny 229 mln teńgeden asqan.
Sonymen qatar prokýrorlar jer zańnamasyn buza otyryp paıdalanylmaı jatqan 7 myń gektardan astam aýyl sharýashylyǵy jerin anyqtady. Olardy májbúrlep alyp qoıý jáne memlekettik jer qoryna qaıtarý úshin ýákiletti organǵa tıisti akt engizildi.
Qaıtarylǵan jerler konkýrs arqyly bólinip, jergilikti turǵyndar men kásipkerlerge aýyl sharýashylyǵyn damytý úshin usynylady.
Eske salaıyq, buǵan deıin Qazaqstanda 1 mln gektardan astam aýyl sharýashylyǵy jeri memleket menshigine qaıtarylǵanyn jazǵan edik.
