Jetisýda Otbasyn qoldaý ortalyǵynyń zańgeri áıeline qol kótergeni úshin sottaldy
ASTANA. KAZINFORM — Jetisý oblysynda turmystyq zorlyq-zombylyq jasaǵan azamat sottaldy. Ol qylmys jasaǵan kezde otbasylyq-turmystyq zorlyq-zombylyqtan zardap shekkenderge kómek kórsetetin «Januıa» Otbasyn qoldaý ortalyǵynda zańger bolyp jumys istegen.
Qaratal aýdandyq sotynda qaralǵan qylmystyq is boıynsha azamat turmystyq zorlyq-zombylyq jasaǵany úshin kináli dep tanyldy. Ol kásibı qyzmeti barysynda jábirlenýshilerdiń quqyqtaryn qorǵaýǵa kómekteskenimen, óziniń jubaıyna qatysty zańǵa qaıshy áreketter jasaǵan.
Sot otyrysynda Qaratal aýdany prokýratýrasynyń memlekettik aıyptaýshysy onyń kinásin tolyq dáleldedi.
Sot úkimimen oǵan 200 saǵat qoǵamdyq jumys jazasy taǵaıyndaldy. Úkim zańdy kúshine endi.
Jetisý oblysynyń prokýratýrasy turmystyq zorlyq-zombylyqqa jol berilmeıtinin eske saldy. Mundaı áreketter úshin Qazaqstan zańnamasynda jaýapkershilik kózdelgen.
Eske salaıyq, buǵan deıin Aqtaýda qyzǵa zorlyq kórsetemin dep qorqytqan er adam 30 táýlikke qamalǵanyn habarlaǵanbyz.
