Jetisýda ormanshylar Qyzyl kitapqa engen qaraquıryqtardy aýlaǵany úshin sottaldy
TALDYQORǴAN. KAZINFORM - Qaratal aýdandyq soty sırek kezdesetin janýarlardy zańsyz aýlaý isi boıynsha úkim shyǵardy.
Oblystyq prokýratýra taratqan málimetke súıensek, 2024 jyldyń qyrkúıek aıynda «Úshtóbe orman sharýashylyǵy» KMM-niń 3 qyzmetkeri «ÝAZ» qyzmettik kóligin paıdalanyp, orman sharýashylyǵy aımaǵynda Qyzyl kitapqa engen qaraquıryqtardy zańsyz aýlaǵan.
Sottyń úkimimen ustalǵandardyń barlyǵy QR QK-niń 337-baby (zańsyz ańshylyq) boıynsha kináli dep tanylyp, 3 jylǵa bas bostandyǵyn shekteý jazasyna kesildi.
— Sottalýshylar memleketke keltirilgen 7 mıllıon teńgege jýyq zalaldy tolyq ótedi. Sot úkimi zańdy kúshine endi, - delingen Jetisý oblysy prokýratýrasynyń habarlamasynda.
Prokýratýra qorshaǵan ortany qorǵaý zańnamasyn saqtaýǵa jáne sırek kezdesetin janýarlardy qorǵaýǵa shaqyrady.
Eske salaıyq osyǵan deıin Jetisý oblysynda brakonerlerden 200 keliden astam balyq tárkilengenin jazǵanbyz.