Jetisýda Memlekettik rámizder kúnine arnalǵan patrıottyq sherý ótti
TALDYQORǴAN. KAZINFORM — Taldyqorǵandaǵy «Jastar» saıabaǵynan bastalǵan sherý J.Balapanov, B.Áshimov kóshelerimen júrip ótip, Taldyqorǵan — Almaty tas jolynyń boıyndaǵy 92 metr bıiktikte ornatylǵan Memlekettik Tý tuǵyryna taban tiredi.
Sherýge qatysýshylardyń qolynda jalaýlar jelbirep, jastar ókilderi eldiń bostandyǵy men táýelsizdiginiń basty nyshandary retinde qoldarynda 12 m h 6 m bolatyn MemlekettikTý men Memlekettik Eltańbany qosa alyp júrdi.
300-ge jýyq adam sap túzegen patrıottyq sharaǵa sportshylar, eriktiler, saıası partııalar, «Uly dala joryǵy» marafonynyń jeńimpazdary, velosıpedshiler, jas kadetshiler, jastar, shyǵarmashylyq zııaly qaýym qatysty.
Memlekettik Týdy kóterý saltanatty rásimi ótip, Ánuran shyrqaldy.
Merekelik is-shara tý tuǵyrynyń janynda jalǵasty. Kontserttik baǵdarlama usynylyp, «Kók týdyń jelbiregeni», «Baıtaq dalam», «Atameken» patrıottyq ánderi oryndaldy.
