Jetisýda mas júrgizýshiler ótirik anyqtama usynyp, jazadan qutylyp ketip otyrǵan

TALDYQORǴAN. KAZINFORM — Jetisý oblysynyń prokýrorlary mas júrgizýshilerdi ustaý kezinde ákimshilik qamaýǵa almas úshin medıtsınalyq jáne basqa da qujattardy burmalaý faktilerin anyqtaǵan.

Eki jaǵdaıda áıelder sotqa jalǵan anyqtama men júktiligi týraly ýltradybystyq qorytyndy bergen.

Mundaı jalǵan qujattardy paıdalaný Ákimshilik kodeksiniń 50-babyna sáıkes tulǵalardy qamaýǵa alý qoldanylmaıtyn múmkindik beredi.

Osy sııaqty taǵy bir mysal — kámeletke tolmaǵan balasynyń bar ekenin kórsetken jalǵan qujattardy sotqa usynǵan aýdan ákimdiginiń bólim basshysy.

Aýdandyq sot osy anyqtama negizinde ony qamaýǵa alý jazasynan bosatqan.

«Prokýratýranyń tekserýi onyń ýájderin joqqa shyǵardy. Ol bergen derekterdi teksergende onyń kámeletke tolmaǵan balasy múlde joq bolyp shyqqan. Búkil faktiler boıynsha prokýratýranyń qadaǵalaý aktisi negizinde sot aktileri qaıta qaralyp, qamaýǵa alý túrindegi bultartpaý sharasy qoldanyldy. Ýákiletti organdar resmı qujattardy qoldan jasaý faktileri boıynsha da sotqa deıingi tergep-tekserý jumystaryn bastady», — dep atap ótti oblys prokýrory Madııar Basshybaev.