Jetisýda mal urylary ustaldy
ASTANA. KAZINFORM — Jetisý oblysy prokýratýrasynyń bastamasymen júrgizilgen jedel-izdestirý is-sharalary barysynda mal urlyǵymen aınalysqan 6 adamnan turatyn qylmystyq top áreketiniń joly kesildi.
Olardyń zańsyz áreketinen kelgen shyǵyn 20 mln teńgeden asady.
— Sarqan aýdany Baqaly aýylynda arnaıy operatsııa barysynda 43 bas iri qara mal, pyshaq, arqan tárizdes qylmys quraldary, sondaı-aq soıylǵan maldar sııaqty zattaı aıǵaqtar tárkilendi.
Tárkilengen múlik qylmystyq árekettiń júıeli túrde jasalǵanyn dáleldeıdi. Kúdiktilerdiń áreketi oblys turǵyndaryna eleýli zııan keltirgen, — delingen habarlamada.
Kúdiktiler ustalyp, qamaýǵa alyndy.
Qazirgi ýaqytta olardyń oblys aýmaǵynda osyǵan uqsas qylmystarǵa qatysy bar-joǵy tekserilip jatyr.
Aıta ketelik jyl basynan mal urlyǵy qaı óńirlerde kóp ekeni anyqtaldy.