Jetisýda qyzmettik mindetterin atqarý kezinde eki polıtseı kóz jumdy

ASTANA. KAZINFORM — Jetisýlyq tártip saqshylary qyzmettik mindetterin atqarý kezinde jol-kólik oqıǵasynan qaza tapqan. 

Bul týraly Іshki ister mınıstri Erjan Sádenov málimdedi.

— Qyzmettik mindetterin atqarý kezinde jol-kólik oqıǵasynan qaza tapqan Jetisý oblysy Polıtsııa departamenti qyzmetkerleri — polıtsııa maıory Arnur Alhanov pen polıtsııa aǵa leıtenanty Shyńǵys Asylbekovtyń týystary men jaqyndaryna kóńil aıtamyn. Olardyń esimderi áriptesteriniń jadynda máńgi saqtalady, — dedi Erjan Sádenov.

Onyń sózinshe, Іshki ister mınıstrligi marqumdardyń otbasylaryna qajetti kómekti kórsetedi.

Buǵan deıin Batys Qazaqstan oblysy Báıterek aýdany Dostyq aýylynda polıtsııa qyzmetkeri asylyp qalǵanyn jazǵan bolatynbyz.