Jetisýda qazan aıynyń basynan beri jol apatynan 15 adam mert boldy

Jetisý óńirinde adam ólimine ákeletin apattar jıilep ketti. Tek qazan aıynyń basynan beri oblys joldarynda 15 adam qaza taýyp, 40-tan astamy túrli dene jaraqattaryn aldy, dep habarlaıdy Kazinform.

Osyǵan baılanysty oblystyq polıtseıler dabyl qaǵyp, kólik júrgizýshilerin jolda abaı bolýǵa shaqyrdy.

«Qazan aıynyń basynan beri oblys joldarynda 15 adam qaza taýyp, 40-tan astam adam túrli jaraqattar aldy. Sońǵy derek Eskeldi aýdanynda tirkeldi. «Almaty-Óskemen» tas jolynyń 288-shi shaqyrymynda «GAZel» men «VAZ-21099» kólikteri soqtyǵysty. Kóliktiń 35 jastaǵy júrgizýshisi oqıǵa ornynda kóz jumdy. Tórt adam aýrýhanaǵa jetkizildi», - dep habarlady Jetisý oblystyq polıtsııa departamentiniń baspasóz qyzmetinen.

Jol apatynyń jıilep ketýine baılanysty polıtseıler kúndelikti patrýldik qyzmetti kúsheıtti. Tártip sashylary kólik júrgizýshilerinen jol qaýipsizdigi talaptaryn eskerýdi, sondaı-aq kólikti basqarý kezinde qyraǵylyq tanytýdy suraıdy.