Jetisýda kásipker esh jerden ruqsat almaı balalar shyǵarmashylyq ortalyǵyn qurǵan

TALDYQORǴAN. KAZINFORM — Jetisý oblysynda quzyrly organnyń ruqsatynsyz kásiporyn qurylǵan. 

Kásipkerlik kodeksiniń 192-babynyń 4-tarmaǵy boıynsha, qyzmetin Qazaqstan aýmaǵynda júzege asyratyn memlekettik kásiporyndar, aktsııalarynyń elý paıyzdan astamy memleketke tıesili zańdy tulǵalar jáne olarmen úlestes azamattardyń kásiporyn qurýy monopolııaǵa qarsy organnyń kelisimimen júzege asatyny belgili.

Alaıda, osy zańǵa baǵynbaǵan azamattar anyqtaldy. Zańbuzýshylyqty Básekelestikti qorǵaý jáne damytý agenttiginiń Jetisý oblysy boıynsha departamenti mamandary áshkere etti.

Tekseris barysynda Jetisý oblysy Kerbulaq aýdany bilim bólimi Qarashoqy aýylyndaǵy «Baldáýren» balalar shyǵarmashylyq ortalyǵynyń basshylyǵy monopolııaǵa qarsy organnan kásiporyn qurýǵa kelisim almaǵany anyqtaldy.

«Osyǵan baılanysty departament kásiporynǵa qatysty básekelestikti qorǵaý salasyndaǵy Qazaqstan Respýblıkasynyń zańnamasyn buzýshylyqtardy joıý týraly nusqama shyǵardy. Qazirgi ýaqytta departamenttiń nusqamasy oryndaldy», — deıdi Básekelestikti qorǵaý jáne damytý agenttiginiń Jetisý oblysy boıynsha departamenti mamandary.

Eske salaıyq buǵan deıin Jetisý oblysynda múgedektigi bar balalardyń ata-analarynan zańsyz ustalǵan salyqtyń qaıtarylǵanyn jazǵanbyz.