Jetisýda qarly boranda jolda qalǵan 12 adam qutqaryldy
TALDYQORǴAN. KAZINFORM — Qutqarýshylar 12 adamnyń ómirin aman qalyp qaldy. Bul týraly TJM habarlady.
Jetisý oblysyna qarasty Alakól aýdanynda Úsharal-Dostyq tas joly, Terekti ýchaskesinde 6 júk kóligi men 2 jeńil avtokólik qar qursaýynda qalyp qoıǵan. Qutqarýshylar aq tútek boranda jol boıynda qalǵan jolaýshylarǵa kómek kórsetti.
— Aýa raıynyń qolaısyzdyǵyna qaramastan, tótenshelikter jolda qalǵandardyń bárin Dostyq stantsııasyna arnaıy tehnıkamen jetkizdi. Azamattarǵa medıtsınalyq kómek qajet bolmady, — delingen habarlamada.
TJM qolaısyz aýa raıynda saparǵa shyqpaı, qaýipsizdik sharalaryn muqııat saqtaýǵa shaqyrady. Eske salaıyq osyǵan deıin aýa raıyna baılanysty birqatar óńirde eskertý jarııalanǵanyn jáne aýa raıynyń buzylýyna baılanysty Jetisý oblysynda jol jabylǵanyn jazǵanbyz.