Jetisýda «Eco Spring Action» ekologııalyq aktsııasy ótti
TALDYQORǴAN. KAZINFORM — Jetisý oblysynda «Taza Qazaqstan» ekologııalyq baǵdarlamasy aıasynda «Eco Spring Action» ekologııalyq aktsııasy uıymdastyrylyp, joǵary deńgeıde ótti. Bul Jetisý oblysynyń ishki saıasat basqarmasy
Atalǵan bastama qoǵamda ekologııalyq mádenıetti qalyptastyrýǵa, qaldyqtardy suryptaý daǵdysyn damytýǵa jáne turǵyndardyń qorshaǵan ortaǵa degen jaýapkershiligin arttyrýǵa baǵyttaldy.
Aktsııa Jońǵar Alataýy taýlarynyń bókterinde iske asyrylyp, arnaıy uıymdastyrylǵan ekologııalyq senbilik júrgizilip, eriktiler men jastar qaýymy tabıǵı aýmaqty qoqystan tazartý jumystaryn júrgizdi. Sharanyń negizgi maqsaty — qoǵamda ekologııalyq mádenıetti qalyptastyrý, qaldyqtardy suryptaýdyń mańyzdylyǵyn túsindirý jáne turǵyndardyń qorshaǵan ortaǵa degen jaýapkershiligin arttyrý boldy.
Atalmysh ekologııalyq aktsııa barysynda 50-den astam eriktiler men qatysýshylar plastık, qaǵaz, kıim-keshek jáne elektrondy qaldyqtardy jınap, olardy durys suryptap, qaıta óńdeýge tapsyrdy. Bul bastama qorshaǵan ortany qorǵaý mádenıetin qalyptastyrýǵa, tabıǵatty aıalaý jaýapkershiligin arttyrýǵa jáne jastardyń ekologııalyq sanasyn damytýǵa baǵyttaldy.
Іs — shara sońynda qatysýshylarǵa arnalǵan jastar keshi uıymdastyrylyp, merekelik ári tanymdyq baǵdarlama usynyldy. Іs — shara aıasynda turǵyndar da ekologııalyq aktsııaǵa belsene qatysyp, ózderine belgilengen aýmaqtardan qaldyqtardy jınap, arnaıy qabyldaý oryndaryna ótkizdi.
Uıymdastyrýshylardyń aıtýynsha, mundaı formattaǵy ekologııalyq bastamalar turǵyndardyń tabıǵatqa degen kózqarasyn ózgertip, qoǵamda jaýapty tutyný mádenıetin qalyptastyrýǵa yqpal etedi. Sonymen qatar mundaı aktsııalar jastardyń qoǵamdyq belsendiligin arttyryp, qorshaǵan ortany qorǵaý baǵytyndaǵy azamattyq jaýapkershilikti nyǵaıtýǵa múmkindik beredi.
— «Eco Spring Action» ekologııalyq aktsııasy tek qoqys jınaý sharasymen shektelmeı, ekologııalyq aǵartýshylyq sıpattaǵy mańyzdy bastamaǵa aınaldy. Mundaı ıgi bastamalar arqyly qoǵamda ekologııalyq mádenıetti qalyptastyrýǵa, tabıǵatty aıalaý qundylyqtaryn dáripteýge jáne bolashaq urpaq úshin taza ári qaýipsiz orta qalyptastyrýǵa naqty úles qosylýda. «Eco Spring Action» aktsııasy — Jetisý óńirinde ekologııalyq jaýapkershilikti arttyrýǵa baǵyttalǵan mańyzdy qadamdardyń biri retinde qala turǵyndarynyń keń qoldaýyna ıe boldy — dep atap ótti Jetisý oblysy boıynsha «Qazaqstan stýdentteriniń alıansy» ombýdsmeni Qyzaıbaı Aqerke Dosymhanqyzy.
Buǵan deıin Jetisý oblysynda 256 fermerge 8,2 mlrd teńge jeńildetilgen nesıe berilgenin jazdyq.