Jetisýda barymtashylar toby ustaldy: 40-tan asa iri qara tárkilendi

ASTANA. KAZINFORM — Jedel-tergeý is-sharalary barysynda qaskóılerdiń bir sharýa qojalyǵynyń aýmaǵynan 43 iri qara mal urlaǵany anyqtaldy, dep habarlaıdy Polisia.kz.

Jetisý oblysynda «Ýchaske» jedel-aldyn alý is-sharasy aıasynda oblystyq polıtsııa departamentiniń krımınaldyq polıtsııa qyzmetkerleri prokýratýramen birlesip, uzaq ýaqyt boıy iri qara mal urlyǵymen aınalysyp kelgen qylmystyq toptyń áreketin áshkereled.

— Jedel-tergeý is-sharalary barysynda qaskóılerdiń bir sharýa qojalyǵynyń aýmaǵynan 43 iri qara mal urlaǵany anyqtaldy. Úsh er adam qaraýsyz qalǵan úıde ustaldy. Tártip saqshylary sol jerden 28 maldy, 15 maldyń soıylǵan jáne bólshektelgen bólikterin, sondaı-aq 6 pyshaq pen 3 kesindi arqandy tapty. Bul zattardyń bári qylmystyq árekette qoldanylǵan. Ustalǵan úsh adam qamaýǵa alyndy. Taǵy úsh kúdiktige qatysty jedel-izdestirý sharalary júrgizilýde, — delingen habarlamada.

Óńirde «Ýchaske» is-sharasy jalǵasýda. Onyń basty maqsaty — qoǵamdyq qaýipsizdik deńgeıin arttyrý, azamattardyń quqyq qorǵaý organdaryna degen senimin nyǵaıtý jáne quqyqbuzýshylyqtardyń aldyn alý.

Osyǵan deıin Qazaqstan men Qyrǵyzstan shekarasynda 30 bas jylqy urlaǵan barymtashylar ustalǵanyn habarlaǵan edik.