18:56, 25 Aqpan 2025 | GMT +5
Jetisýda bala zorlady degen eks-depýtat ómir boıyna sottalýy múmkin
JETІSÝ. KAZINFORM — Jetisý oblysynda kámeletke tolmaǵan balany zorlady degen kúdikke ilingen eks-depýtattyń soty bastaldy.

Eske sala keteıik, ótken 2024 jyldyń jazynda áleýmettik jelilerde Jetisý oblysynda aýdandyq máslıhat depýtaty bala zorlady degen aqparat taraǵan bolatyn.
Oǵan sensek, 40 jastaǵy laýazymdy tulǵa týysynyń 7 jasar balasyn jábirlegen.
Keıinnen Aqsý aýdandyq polıtsııa bólimi zorlyq-zombylyq faktisi boıynsha qylmystyq is qozǵalǵanyn rastady. Kúdikti ustalyp, qamaýǵa alyndy.
Búgin, 25 aqpanda is boıynsha negizgi sot otyrysy ótti. Onda prokýror aıyptalýshyny ómir boıyna bas bostandyǵynan aıyrýdy surady.
Kelesi sot otyrysy 27 aqpanda ótedi. Sol protseste eks-depýtatqa úkim shyǵady.