Jetisýda apatty nemese úsh aýysymdy mektep joq — ákim

ASTANA. KAZINFORM – Jetisý oblysynda sońǵy úsh jylda 1 mln sharshy metr turǵyn úı paıdalanýǵa berildi. Óńir basshysy Beıbit Isabaevtyń aıtýynsha, 2 362 baspana halyqtyń áleýmettik osal toptaryna, 388-i apatty úıde turatyndarǵa berildi.

– Úsh jylda jańadan salynatyn nemese jóndeýdi qajet etetin áleýmettik nysandar orta eseppen 55,8% jańartyldy, bilim berý, densaýlyq saqtaý, mádenıet jáne sport salalaryndaǵy 276 nysan jańartyldy, – dedi OKQ-da ótken baspasóz máslıhatynda.

Atap aıtqanda, bilim berý salasynda 19 jańa nysan salynyp, 22-si jóndelgen. Nátıjesinde beıimdelgen mektepter sany 69-dan 38-ge deıin qysqaryp, oblysta apatty jaǵdaıdaǵy jáne úsh aýysymdy mektepter joıyldy.

Aıta keteıik, Jetisý oblysynda ortalyq sý júıesimen qamtý 99,9%-ǵa jetti, gazdandyrý deńgeıi jyl sońyna deıin 72% bolady.