Jetisýda ákimdik qyzmetkerleri ruqsat etilmegen jerdegi qoqys úshin jazalandy
Jetisý oblysynyń prokýratýrasy óńirde ruqsat qujattary joq 37 qoqys polıgonyn anyqtady, dep habarlaıdy QazAqparat tilshisi.
Qadaǵalaý organy Tekeli, Taldyqorǵan qalasy men Eskeldi, Kóksý jáne Qaratal aýdandaryndaǵy qoqys úıindileri qorshaǵan ortaǵa zııan keltirgenin atap ótti.
«Buǵan deıin ekologııa departamenti jergilikti atqarýshy organdardyń nazaryn osy buzýshylyqtarǵa aýdarǵan. Alaıda olar ýaqytynda tıisti shara qoldanbaǵan. Sol sebepti, tabıǵatty qorǵaý prokýratýrasynyń iske aralasýyna týra keldi. Prokýratýranyń qadaǵalaý aktisi boıynsha aýdan ákiminiń 3 orynbasary men bir bólim basshysyna ÁQBtK-niń 344-baby (ekologııalyq talaptardy buzý) boıynsha jalpy somasy 1 mln teńgeden asatyn aıyppul salyndy», - dep habarlady Jetisý oblysy prokýratýrasynyń baspasóz qyzmetinen.
Jergilikti atqarýshy bılik ruqsat etilmegen qoqys oryndaryn joıýǵa kiristi.
Buǵan deıin Úkimet otyrysynda QR Premer-Mınıstri Álıhan Smaıylov polıgondardy joıý jumysyn synǵa alǵan bolatyn.
Úkimet basshysy jergilikti atqarýshy organdarǵa 1 qarashaǵa deıin Kommýnaldyq qaldyqtardy basqarý baǵdarlamalaryn bekitýdi tapsyrdy. Buǵan qosa, ákimdikter jyl sońyna deıin ruqsat etilmegen qoqys úıindilerin 2 esege qysqartýy kerek.
