Jetisýda ákimdik gektarlaǵan jerdi kásipkerlerge zańsyz úlestirgen
TALDYQORǴAN. KAZINFORM - Jyl basynan beri Jetisý oblysynyń prokýrorlary kadastrlyq quny 95 mıllıon teńgeden asatyn 30 jer telimin memlekettik jer qoryna qaıtardy.
Aqsý aýdanyndaǵy jalpy aýdany 7 myń gektar ıgerilmegen jáne uzaq ýaqyt boıy maqsatty paıdalanylmaǵan atalǵan ýchaskeler «Kúreńbel» JShS-ne tıesili.
Sonymen qatar Qaratal jáne Kóksý ózenderi karerleriniń sý qorǵaý aımaǵynda jer qoınaýyn paıdalanýshylarǵa zańsyz berilgen 75 gektar jer anyqtaldy.
Jer qoınaýyn paıdalanýshylar qum-qıyrshyq tas qospasyn zańsyz óndirýmen aınalysqan, al sý qorǵaý aımaǵynda taý-ken óndirýge zańmen tikeleı tyıym salynǵan.
Prokýratýranyń qadaǵalaý aktisi boıynsha sot qaýlysymen kináli tulǵalar ákimshilik jaýapkershilikke tartyldy.
Jer qoınaýyn paıdalanýshylarǵa ruqsattyń qoldanylýynyń sharttyq mindettemesin odan ári buza otyryp toqtatyldy.
Qazirgi ýaqytta sý qorynyń jerlerin memleket menshigine qaıtarý sharalary qolǵa alyndy.
