Jetisýda 5 adamnyń ómirin qıǵan jol apatyna qatysty sot úkimi shyqty

ASTANA. KAZINFORM — Jetisýda bes adamnyń ólimine kináli dep tabylǵan júk kóliginiń júrgizýshisi 5 jylǵa sottaldy, dep habarlaıdy Jetisý oblysynyń prokýratýrasy.

Іs materıaldaryna sáıkes, «Volvo FH-Truck» avtokóliginiń júrgizýshisi «Almaty-Óskemen» tas jolymen kele jatyp, aýa raıynyń qolaısyzdyǵy men kóktaıǵaqqa qaramastan kólikti qaýipsiz toqtatý úshin qajetti sharalar qabyldamaǵan. Saldarynan júk kóligi joldy jaýyp, úsh jeńil kólik soqtyǵysqan. Qaıǵyly oqıǵa jeńil kóliktegi bes adamnyń ómirin qıdy.

— Jetisý oblysynyń mamandandyrylǵan aýdanaralyq sotynda alqabıler qaıǵyly JKO-ǵa kináli aýyr júk kóliginiń júrgizýshisin kináli dep tapty. Er adam 5 jylǵa bas bostandyǵynan aıyryldy. Sot úkimi zańdy kúshine engen joq, — delingen prokýratýra taratqan aqparatta.

Jetisý oblysy prokýratýrasy azamattarǵa jol qozǵalysy erejelerin qatań saqtaý qajettigin eske salady, óıtkeni bul jol qozǵalysyna qatysýshylardyń da, olardyń jaqyndarynyń da ómiri men densaýlyǵynyń qaýipsizdiginiń kepili.

Budan buryn Pavlodarda róli oń jaqtaǵy jeńil kólikter jol apatyna jıi túsetinin jazǵanbyz.