Jetisýda 26 myń gektar jer memleketke qaıtaryldy
TALDYQORǴAN. KAZINFORM - Jetisý oblysynyń Qaratal aýdanynda quny 111 mıllıon teńge bolatyn jer ıgerilmeı jatqan. Bul týraly Jetisý oblysynyń prokýratýrasy málimdedi.
Qaratal aýdanyndaǵy kásipkerler zań talaptaryn belden basyp kelgen. ıAǵnı, jerdi memleketten egin egemin, kásip jasaımyn dep jalǵa alyp, biraq maqsatty paıdalanbaǵan. Zańbuzýshylyqty tekseris barysynda quzyrly organ ókilderi ıgerilmegen 38 jer ýchaskesin anyqtaǵan.
- Qaratal aýdany prokýratýrasynyń qadaǵalaý aktisi boıynsha jalpy aýdany 26 myń gektar, kadastrlyq quny 111 mıllıon teńge bolatyn jer memleketke qaıtaryldy. Memleket basshysynyń 2024 jylǵy 2 qyrkúıektegi Joldaýy sheginde jergilikti atqarýshy organdarǵa adal sýbektilerge paıdalanýy úshin qaıtarylǵan jerlerdi berýge baǵyttalǵan. Bul baǵytta jumystar atqarylyp jatyr, - dedi Jetisý oblystyq prokýratýrasy.
Eske salaıyq, osyǵan deıin Taldyqorǵandaǵy ortalyq saıabaqtyń senimgerlik basqarýǵa berilgenin jazǵanbyz.