Jetisýda 181 jumysshyǵa 30 mln teńgeden astam jalaqy men ústemeaqy tólendi - prokýratýra

ASTANA. KAZINFORM – Jetisý oblysynda prokýratýranyń aralasýynan keıin jumysshylarǵa jalaqy bereshegi jáne ústeme jumys úshin jalpy somasy 30 mln teńgeden astam qarajat tólendi.

- Konstıtýtsııanyń 24-babynda árkimniń eńbegi úshin eshbir kemsitýsiz syıaqy alý quqyǵy bekitilgen. Alaıda prokýrorlar «Jarkent Frýkt» JShS-niń 66 jumysshyǵa 16 mln teńgeden astam jalaqy tólemeı, olardyń eńbek quqyǵyn buzǵanyn anyqtady, - dep jazdy baqylaýshy organnan.

Sondaı-aq, Tekeli qalalyq aýrýhanasynda belgilengen kesteden tys jumys istegen 115 medıtsına qyzmetkerine ústemeaqy tólenbegeni belgili boldy. Bereshek soma 15 mln teńgeden asqan.

Panfılov aýdany men Tekeli qalasy prokýrorlarynyń qadaǵalaý aktileri nátıjesinde jumys berýshiler ákimshilik jaýapkershilikke tartylyp, barlyq bereshek óteldi. Osylaısha 181 adamnyń konstıtýtsııalyq quqyǵy qorǵaldy.

Aıta keteıik, Astanada balabaqsha qyzmetkerlerine 1 mlrd teńge jalaqy qaryzy tólendi.