Jetisýda 1,7 myńnan astam bilim salasy qyzmetkeriniń quqyǵy qorǵaldy
ASTANA. KAZINFORM — Jetisý oblysy Aqsý aýdanynyń prokýratýrasy bilim berý salasynyń 1,7 myńnan astam qyzmetkeriniń profılaktıkalyq medıtsınalyq tekserýlerden ýaqtyly ótýge qatysty konstıtýtsııalyq quqyqtaryn qalpyna keltirdi.
Mektepterde, mektepke deıingi jáne qosymsha bilim berý uıymdarynda eńbek zańnamasynyń saqtalýyna júrgizilgen taldaý barysynda qyzmetkerlerdiń medıtsınalyq tekserýlerden, onyń ishinde skrınıngtik zertteýlerden ýaqtyly ótýine kedergi keltirgen zań buzýshylyqtar anyqtaldy.
— Atalǵan zań buzýshylyqtar azamattardyń Konstıtýtsııamen kepildik berilgen densaýlyǵyn saqtaý quqyqtaryna nuqsan keltirgen. Aýdan prokýratýrasynyń engizgen usynýy negizinde anyqtalǵan zań buzýshylyqtar joıylyp, kináli 21 laýazymdy tulǵa tártiptik jaýaptylyqqa tartyldy, — delingen habarlamada.
Jetisý oblysynyń prokýratýrasy azamattardyń konstıtýtsııalyq quqyqtaryn qorǵaý, eńbek jáne densaýlyq saqtaý salalaryndaǵy zańnamanyń saqtalýyn qamtamasyz etý baǵytyndaǵy jumysty jalǵastyrady.