Jetisý joldarynda 5 avtomattandyrylǵan tarazy stantsııasy jumys istep tur
ASTANA. KAZINFORM - Jetisý oblysynda avtojoldarda avtomattandyrylǵan salmaq ólsheý keshenderin ornatý jumystary júrip jatyr. Bul júıe júk kólikterin toqtatpaı-aq ólsheýge múmkindik beredi.
«QazAvtoJol» ulttyq kompanııasy» AQ-nyń «Aqyly avtomobıl joldarynyń dırektsııasy» fılıalynyń ókili Baqytjan Tólegenniń málimetinshe, óńirde qazirdiń ózinde bes avtomatty tarazy kesheni iske qosylǵan. Úsheýi Almaty — Qorǵas tas jolynda (254, 314 jáne 320-shy shaqyrymdarda), al ekeýi Almaty — Óskemen baǵyty boıynsha (283 jáne 555-shi shaqyrymdarda) ornalasqan.
— 2025 jyldyń sońyna deıin respýblıka joldarynda taǵy 28 osyndaı keshen iske qosylady. Al 2026 jyly olardyń jalpy sany 126-ǵa jetedi, — dedi ol.
Mamandardyń aıtýynsha, kenishterden shyǵatyn kólikter erekshe nazarda bolady. Sebebi mundaı kólikter kóp jaǵdaıda júkti ruqsat etilgen mólsherden kóp júktep jiberedi, bul jol jamylǵysynyń tez buzylýyna ákep soǵady.
Aıta keteıik, Jetisý oblysynyń jol jelisiniń jalpy uzyndyǵy shamamen 4 myń shaqyrymdy quraıdy. Onyń 1 034 shaqyrymy — respýblıkalyq mańyzy bar avtojoldar.
Osyǵan deıin Jetisý oblysynda zańsyz jumys istegen qoqys polıgony anyqtalǵany týraly jazdyq.