Jetisý jáne Abaı oblystarynda respýblıkalyq mańyzy bar joldar jabyldy

ASTANA. KAZINFORM – Aýa raıynyń qolaısyzdyǵyna baılanysty Jetisý jáne Abaı oblystary aýmaǵynda respýblıkalyq mańyzy bar avtojoldyń birqatar ýchaskesinde kólik qozǵalysyna ýaqytsha shekteý qoıyldy.

15 jeltoqsan kúni saǵat 10:00-den bastap Jetisý oblysynda «Almaty – Taldyqorǵan – Óskemen – Shemonaıha – RF shekarasy» avtojolynyń 561-615 shaqyrym aralyǵyndaǵy ýchaskesinde, ıaǵnı Úsharal qalasynan Abaı oblysynyń shekarasyna deıin kóliktiń barlyq túriniń qozǵalysy toqtatyldy.

Osy kúni, saǵat 10:00-den bastap dál osy avtojoldyń Abaı oblysy aýmaǵyndaǵy 615-683 shaqyrym aralyǵynda da (Jetisý oblysynyń shekarasynan Taskesken aýylyna deıin) barlyq kólik qozǵalysyna shekteý engizildi.

- Aldyn ala málimet boıynsha, atalǵan jol ýchaskelerin 15 jeltoqsan kúni saǵat 20:00-de qaıta ashý josparlanyp otyr, - dep jazdy QazAvtoJoldan.

Jol qyzmetteri men tıisti organdar júrgizýshilerge alys saparǵa shyqpas buryn aýa raıy jaǵdaıyn jáne jol ahýalyn naqtylap alýdy eskertedi.

Aıta keteıik, BQO-da borandy kúni adasyp ketken eki adam tabylmaı jatyr.