«Jetisý» voleıbol klýby Úndistandaǵy jarystyń jartylaı fınalyna shyqty

ASTANA. KAZINFORM — Qazaqstan chempıony «Jetisý» voleıbol klýby Úndistannyń Bhýbaneshvar qalasynda ótip jatqan CAVA Men's Volleyball League 2026 týrnırinde ekinshi jeńisine qol jetkizdi.

«Jetisý» voleıbol klýby Úndistandaǵy jarystyń jartylaı fınalyna shyqty
Foto: «Jetisý» voleıbol klýby

Qazaqstan voleıbol federatsııasynan málim etkenindeı, Marat Adryshevtiń shákirtteri keshe úndistandyq "Telýgý Blek Hoks" klýbyn 3:1 (25:21, 18:25, 25:19, 29:27) esebimen tize búktirdi. 

Búgin taldyqorǵandyqtar taǵy bir úndistandyq "Mýmbaı Meteors" komandasymen sheberlik baıqasty. 

Bul joly «Jetisý» matchty 3:0 (25:18, 25:19, 25:19) esebimen aıaqtady.

Osylaısha, taldyqorǵandyq komanda merziminen buryn jartylaı fınalǵa joldama aldy. 

Qazaqstandyq klýb 19 qarashada ırandyq "Fýlad Sırdjan", 20 qarashada úndistandyq "Bengalýrý Torpedos" klýbymen oınaıdy.

Jartylaı fınaldyq básekeler 21 qarashaǵa belgilengen. 22 qarashada úshinshi oryn úshin match jáne fınal ótedi. 

Eske salaıyq, budan buryn voleıboldan Qazaqstan chempıonatynda «Býrevestnıktiń» alǵash ret jeńilis tapqanyn jazǵan edik.