«Jetisý» voleıbol klýby Azııa chempıondar lıgasynyń qola júldegeri atandy
ASTANA. KAZINFORM — Taılandta voleıboldan áıelder komandalary arasynda ótip jatqan Azııa chempıondar lıgasynyń qola júldegeri anyqtaldy.
Qazaqstannyń on dúrkin chempıony «Jetisý» (Taldyqorǵan) komandasy taılandyq «SUPREME CHONBURI» klýbymen qola medaldi sarapqa saldy.
Serbııalyq bapker Marko Grshıch bastapqy quramda Tatıana Nıkıtına, Valerııa ıAkýtına, Natalıa Borısenko, sondaı-aq qytaılyq Mıao Iven, ýkraınalyq baılanystyrýshy Darıa Shargorodskaıa, reseılik, komanda kapıtany Marııa Frolovany shyǵardy. Lıberolar Mádına Beket pen Marııa Syrygına bir-birin almastyryp otyrdy.
Taldyqorǵandyqtar birinshi partııada basymdylyqty bergen joq – 25:18. Ekinshi set qıyndaý bastalyp, M.Frolovanyń ornyna Krıstına Belova shyqty – 25:15.
Tartysty ótken úshinshi set te «Jetisýdyń» paıdasyna sheshildi – 25:21. Qorytyndy esep – 3:0.
Osylaısha, ótken jyly jeńimpaz atanǵan taldyqorǵandyqtar bıyl qola júldege qol jetkizdi.
Eske sala keteıik, budan buryn voleıboldan Azııa chempıondar lıgasynda «Jetisýdyń» qola júlde úshin talasatynyn jazǵan bolatynbyz.
