«Jetisý» voleıbol klýby Azııa chempıondar lıgasynda óner kórsetedi

ASTANA. KAZINFORM — Taldyqorǵannyń «Jetisý» voleıbol klýby 18-28 sáýirde Fılıppınde bolatyn Azııa chempıondar lıgasynda el namysyn qorǵaıdy.

Atalǵan dodada Azııanyń 12 úzdik komandasy baq synaıdy. 

Taldyqorǵandyqtar «A» tobynda «Creamline cool smashers» (Fılıppın), «Ál Naser» (Iordanııa) komandalarymen oınaıdy.

Serbııalyq maman Marko Grshıch jattyqtyratyn «Jetisý» klýby bıyl ulttyq lıga komandalary arasynda úzdik shyǵyp, Qazaqstannyń toǵyz dúrkin chempıony atanǵan bolatyn.

Birinshilik qorytyndysynda komanda kapıtany Karına Denısova úzdik oıynshy atansa, Mádına Beket úzdik lıbero, Darıa Shargorodskaıa úzdik baılanystyrýshy boldy.

Eske sala keteıik, budan buryn «Jetisý» klýbynyń toǵyzynshy ret Qazaqstan chempıony atanǵanyn jazǵan bolatynbyz.